Adeste, fideles, laeti triumphantes,
venite, venite in Bethlehem!
Natum videte regem angelorum.
Venite adoremus,
venite adoremus,
venite adoremus dominum!

Deum de Deo, lumen de lumine
gestant puellae viscera;
natum videte regem angelorum.
Venite ...

Cantet nunc "Io!" chorus angelorum
cantet nunc aula caelestium.
Gloria in excelsis Deo !
Venite ...

Ergo qui natus, die hodierna,
Jesu, tibi sit gloria;
Patris aeterni, Verbum caro factum !
Venite ...